أول ما بتخطر على بالك فكرة وبتكون عايز تنفذها سواء فى الواقع أو من خلال الانترنت ، منتج ، خدمة أو غيره أو أنك محتاج تطور من خدماتك عشان كده لازم تعمل خطة تسويقية لأنها بتساعدك
تحدد هدفك بوضوح. مثلاً، عايز تعلن عن منتج جديد، عاوز تزود مبيعاتك، لازم تحدد الهدف بالضبط، ولو عاوز تزود المبيعات هيكون بكام في خلال كام شهر.
و فى تحديد جمهورك المستهدف بدقة. يعني مش بتحدد أى جمهور وتعمل تسويق فى غير محله ، لازم تعرف مين الناس اللي بتحتاج منتجك وتوجه جهودك ليهم.
وكمان إنك تتعرف على السوق والمنافسين، وتشوف احتياجات العملاء واهتماماتهم. مش هتقدر تتنافس في السوق لو ماعندكش فكرة عن اللي بيحصل فيه.
وبتساعدك تخطط استراتيجيات وتكتيكات مناسبة لتحقيق أهدافك. بتقولك تعمل إعلانات على فيسبوك وإنستاجرام مثلاً، ولا تخلى إيه اولويتك.
وفى تحديد ميزانيتك بشكل مناسب وتجيب أحسن عائد على استثمارك. مش هتبقى بتصرف فلوس كتير من ومش عارف هل تقدر تستفيد منها ولا مفيش عائد.
وأخيرًا، بتساعدك تقيم أداء حملاتك التسويقية وتعرف إذا كانت ناجحة ولا لأ. مش هتقدر تطور في شغلك لو ماعندكش فكرة عن النتائج اللي بتحصل.
ولازم خطتك التسويقية تكون منفصلة عن خطة مشروعك ككل
عشان لازم كل مشروع يكون ليه خطة تسويقية منفصلة. ليه؟ لأن التسويق هو جزء أساسي وحيوي من نجاح أي مشروع.
في الحقيقة، الخطة التسويقية بتكون مرتبطة بشكل وثيق بخطة العمل العامة، بس ليها مكانتها الخاصة لأنها بتركز على استراتيجيات التسويق والترويج وكيفية وصول المنتج أو الخدمة للعملاء.
خطة العمل العامة، بتشمل امور اكثر عمومًا زي الهيكل التنظيمي، والتمويل، والتشغيل، وغيرها، بينما خطة التسويقية بتركز بشكل أكبر على كيفية التسويق للمنتج أو الخدمة وبناء العلامة التجارية وجذب العملاء.
في النهاية، كل واحدة منهم بتكمل الأخرى وبتدعمها، ولكن لأن التسويق له دور محوري في جذب العملاء وتحقيق النجاح التجاري، فإنه من الضروري أن يكون له خطة مستقلة ومتميزة.
أهمية العلامة التجارية لمشروعك مش قليلة، العلامة التجارية القوية بتخليك متميز عن المنافسين، وبتبني علاقة قوية مع العملاء. لما الناس يشوفوا علامتك التجارية، ترتبط معاهم إنه مش بس مجرد منتج أو خدمة، ولكن ارتباط بشعور وتجربة مميزة.
وعشان كده الخطة التسويقية مهمة جداً لأي مشروع، مهما كان حجمه صغير أو كبير، يتوصلك لعملائك بشكل صحيح وتقدر تبني علاقة قوية معاهم
بس لازم يكون عندك فكرة واضحة عن الهدف اللي عاوز توصل ليه، وتعرف جمهورك المستهدف، وتحلل السوق بشكل مضبوط، وتعمل استراتيجيات تسويقية متميزة عشان تبقى مختلف عن منافسيك وتقدر تحقق نتايجك وأهدافك بسهولة.
